nyhende
Me kallar alle 86-arar i Sveio
Vestavind fyller 40 år, og det vil me markera saman med andre sveibuar i kommunen som også fyller 40 i år.
Eit 40-årsjubiluem må sjølvsagt feirast skikkeleg! Men me vil ikkje feira aleine. Difor inviterer me alle som bur i Sveio kommune, eller er utflytta sveibu, og er fødd i 1986 til å bli med i jubileumsmarkeringa vår. Som takk får du ein jubileumscaps frå Vestavind.
Eiga jubileumsspalte
For å vera med, treng du berre å senda inn svar på nokre enkle spørsmål og eit breiddebilde (liggande format) av deg sjølv.
Dei som blir med, blir presenterte i ei eiga jubileumsspalte i Vestavind. Om det blir vekas jubilant, månadens jubilant eller kvartalets jubilant, kjem an på kor mange som melder seg.
Me håper mange vil vera med og gjera dette til ei kjekk markering av både jubilantane og jubileumsåret.
Dette vil me gjerne vita om deg:
- Namn?
Fødselsdato?
Bustad?
Kva barne- og ungdomsskule gjekk du på?
Korleis har du feira, eller skal feira, 40-årsdagen?
Kva gjer du no?
Er det sveibuar du vil framsnakka, og kvifor?
Send inn svar og bilde til tips@vestavind-sveio.no
Capsane kan hentast på Vestavind sitt kontor i Sveiogata 72. Opningstidene våre er frå klokka 08.00 til 15.30 på kvardagar. Om ikkje det passar, finn me ei anna løysing.
