Solid treningsøkt før NM i gokart

15-åringen førebudde seg til NM samman med andre deltakere frå Vestlandet. Det blir arrangert på Klepp av KNA Klepp Motorsport 15.- 17.august.

Laurdag deltok 15-åringen i trening på Klepp. Då gjennomførte Harald ni treningsheat som varte rundt 10 minuttar per heat.

Måtte tidleg opp

I motorsporten betyr «heat» køyreøkt, som vil seia at det er eit løp på bana. Eit standard heat vare vanlegvis i ni minuttar, men dette kan variera frå bane til bane, ifølgje Bergen gokartsenter.

Harald Nappen representerer NMK Haugaland. Det var også andre deltakarar frå same klubb til stades under treninga. Han fortel at han saman med familien måtte tidleg laurdagen å rekka karttreninga.

– Me køyrte gry tidleg for å koma oss til KNA Klepp og for å trena til NM i karting. Me ankom Klepp rundt 10-tida om morgonen. Då fekk me god tid til å pakka ut gokart og utstyr, seier Nappen.

Fekk trøbbel med karten

Nappen utmerka seg allereie under sine første heat:

– Eg låg ganske bra an, og det blei betre etterkvart til eg kom til det fjerde heatet. Eg blei veldig nøgd, og var berre fire tidelar bak den beste.

Det unge talentet fortel at det ble verre seinare i treninga då dekka vart nedslitne på grunn av varmen. Då gjekk det treigare på bana, og seinare fann dei ut at det var eit problem med tannhjulet og kjeda som følgje av slitasje.

Nøgd med innsatsen

– Eg blei litt skuffa då det gjekk galt mot slutten, men det hjelpte litt då det var karten me sleit med, og ikkje meg personleg mot slutten. Ellers er eg kjempenøgd med innsatsen min, og har erfart mykje under treninga til NM, seier Nappen.

Han har tidlegare gitt uttrykk for at gokart-miljøet er noko han føler seg som ein del av.

– Det er ingen ekskludering i dette miljøet. Eg føler at me alle er vener. Det er ingen som er betre eller dårligare. Her er me alle like god, og me støttar kavrandre opp, avsluttar Nappen.