Vind og snø måndag kveld – så blir det mildvêr

NPK-NTB/VESTAVIND: Det blir nok ikkje Sveio som får det verste vêret, men det ligg an til både påfyll med litt snø, og noko vind frå søraust i kommunen frå måndag ettermiddag.

Yr.no viser varsel om vind frå søraust med opptil 14 sekundmeter i kasta frå 17-tida måndag.

Vinden skal roe seg utover natta.

Kan bli vanskelege køyreforhold

Ved 12-tida måndag blæs det allereie godt mange stader Agder og Rogaland. I kveld kjem det òg snø og sludd.

— Skal du ut på vegane kan det vera lurt sjekka vegmeldingane, skriv Meteorologane på Twitter måndag ettermiddag.

Tysdag og onsdag meldast det stort sett om opphaldsvær, men overskya i Sveio.

Mildt og regn nyttårsaftan

Etter ein periode med låge temperaturar i heile landet, har Sør-Noreg mildvêr i vente, ifølgje meteorologen.

Men alle som har drøymt om fint fyrvekeri-vêr i Sveio nyttårsaftan vil truleg bli skuffe. 8 plussgrader og inntil fem millimeter nedbør i form av regn står førebels på menykartet til yr.no

– Lenger sør i Europa er det høge temperaturar no. I London er det til dømes meldt 15 plussgrader dei neste dagane. Mot nyttår vil det mildvêret etablere seg langs kysten av Sør-Noreg og bevege seg vidare nordover, seier vakthavande meteorolog Magnus Ovhed ved Meteorologisk institutt til NPK.

I Nord-Noreg vil likevel temperaturane halde seg låge.

Måndag er det òg fare for snøskred fleire stader. Det er oransje farevarsel for snøskred i Trollheimen, i Romsdal og på Sunnmøre, medan det er gult farevarsel i ei rekkje andre område.