Bli abonnent
Logg inn

nyhende

Pølser frå Dansken var eit trekkplaster. Dei som handla, var samde med slagordet på Food trucken «Dansken leverer god smak». Frå venstre: Leiv K. Sydnes, Kirsti Sydnes, Helene Myklevoll Kalkvik og Ole Kalkvik.

Pinsefestival trekte folk til Kaien i Førde

Pinsehelga baud på både rock, regnbyer, pølser og marknadsliv då Kaien i Førde inviterte til festival i pinsehelga.

Sigrund Breistig Frilansar
Publisert

Festivalen starta ut med familiedag søndag føremiddag med ansiktsmåling, aktivitetar sukkerspinn og matservering. På kvelden var det duka for gratis konsert på kaien. På scena var først haugesundsbandet Diesel & Dust før det store trekkplasteret; Dag Ingebrigtsen. 

Sistnemnde er kjend frå rockegruppa The Kids og hitlåta «Forelska i læreren». Konserten var sponsa av lokalt næringsliv, og interessa var stor. Allereie fredag var gratisbillettane utselde, og søndag kveld fylte 400 gjester området på kaien.

Eit familieprosjekt

Bak arrangementet står Frida Hovland Jepsen, som har ansvar for drifta på Kaien i Førde. Kaien har vore drifta av Catering Spesialisten sidan 2022. Saman med faren, Peter Engdahl Jepsen, har ho stått i bresjen for pinsefestivalen. Peter er dagleg leiar for Caterings Spesialisten og driftar dagleg catering i Haugesund, men dei seinare åra har han også satsa på Kaien i Førde, saman med dottera Frida. 

Bildealbum 1 av 2:

Frida Hovland Jepsen gler seg over aktivitet og besøk på Kaien i Førde, der ho har ansvar for drifta. Bla i bildegalleriet med pila oppe til høgre.
Bengt Ivar Bergo, Oddgeir Talle og Oscar Bårtvedt Talle var på marknaden saman med familiane sine. Oddgeir hadde handla både makronar og blanke fiskekrokar i sølv.
Eirin Bjørsland, Anne Britt Hansen og Henry Bjørsland (4) frå Haugesund, tok turen innom marknadsdagen etter først å ha vore ein tur i Rex Garden.
Marknadsdag i telt på Kaien i Førde.
Iben Hovland Jepsen hadde fått jobb i foodtrucken og fortalde at salet gjekk over all forventning, særleg dagen før, då Kaien arrangerte familiedag og konsert
Peter Engdahl Jepsen og dottera Frida Hovland Jepsen inviterte til pinsefestival. 2. pinsedag var kaien fylt opp med utstillarar frå Haugalandet til marknadsdag på Kaien i Førde

Pinsefestivalen var også eit familieprosjekt. Under festivalen stod veslesøster Iben Hovland Jepsen i foodtrucken «Dansken», der ho selde pølser til svoltne gjester. Ho kunne fortelje at salet gjekk over all forventning, særleg under familiedagen og konserten søndag.

Til vanleg held Kaien ope på søndagar og heilagdagar, med servering av tradisjonell husmannskost. Denne helga var programmet utvida, og 2. pinsedag var det marknadsdag som lokka folk til kaien. Rundt 20 utstillarar frå Sveio og nabokommunane stilte ut varane sine, derav mykje handlaga.

Fiskekrokar av sølvbestikk

På marknaden kunne ein handle blant anna keramikk, strikk, trearbeid, heimelaga såper og lys, makronar, papirarbeid, glasarbeid, nålefiltkunst og hagedekorasjonar i betong. 

Bildealbum 2 av 2

May Britt Haugland selde eksklusive, sjølvlaga fiskekrokar laga av bestikk. Bla i bildegalleriet med pila oppe til høgre.
Fiskekrok laga av bestikk.
Fiskekrokane er laga av skaftet på bestikket, medan dei resterande delane er foredla til turbestikk. Her Alina Gabrielsen Leirvik.
Hagedekorasjonar i frostsikker betong, måla for hand på Bjoa. Frå venstre: Eiving Landa Skaar og John Martin Fitzsimonds.
Gunn Marit Birkeland frå Førde hadde med kort og papirarbeid. Til vanleg har ho utsal på Vabakken ved Rema 1000
Nålefiltdyr laga av Marianne Hagen på Bjelland i Sveio.
Mange timar med nålefilt er blitt til ein detaljrik katt laga av Marianne Hagen på Bjelland i Sveio.
Vita Kravale med ei fargerik utstilling av glaskunst laga heime i Valevåg.
Glaskunst med maritime motiv, laga av Vita Kravale frå Valevåg.
Debby Fosse frå Etne stilte ut heimelaga såper og lys.
Egle Emmerhoff Nilsen frå Skånevik stilte ut sjølvlaga stettefat.
Stettefat i ulike fargar og former laga ab Egle Emmerhoff Nilsen frå Skånevik, her med ein kaffikopp på toppen.

Ein av dei som stilte ut, var May Britt Haugland, som selde handlaga fiskekrokar under merkenamnet Gullkysten. Fiskekrokane var laga av skaftet på sølvbestikk, noko som gav kvar krok eit eige mønster og ei dekorativ overflate. Resten av bestikket var vidare foredla til turbestikk.

Innimellom regnbyene kunne folk søkje ly i teltet, og det var jamn sirkulasjon av folk gjennom dagen. Det kunne også sjå ut til at mange kombinerte marknadsbesøket med ein tur i Rex Garden der mange av rhododendronane no står i full blomst.
frida hovland jepsen nyhende pinsefestivalen dag ingebrigtsen marknad kaien i førde
Powered by Labrador CMS