Løvik Aero Telecom har søkt Sveio kommune om å få legge ein fiberoptisk kabel i Kinnavatnet. Dette i samband med at verksemda er tildelt oppdrag frå Haugaland Kraft Fiber AS om å legge ny kabel frå eksisterande fibertrasé ved Kinn til Åsbu.
— Vi er avhengige av å få legge kabel gjennom Kinnavatnet for å kunne knytte til husstandar i delar av Åsbuvegen, skriv selskapet i søknaden til kommunen. Legging av kabel skal etter planen skje ved fløyting av kabel frå båt. Ifølgje selskapet har grunneigarar ingen motsegn mot tiltaket.
I Kinnavatnet er det snakk om å legging av cirka 980 meter kabel. — Det er tatt omsyn til friluftsaktivitetar, fiske og liknande, og det er ingen naturreservat i trasevalet, skriv prosjektleiar Bård Bårdsen.
Legging av kabel er planlagd å skje i løpet av denne vinteren.
Det er tidlegare lagt tilsvarande kabel i Storavatn.
