nyhende
Vestland fylkeskommune vil satse på berekraftig havbruk
Vestland fylkeskommune har løyvd fem millionar kroner til forsking, kunnskapsdeling og samarbeid for å styrke arbeidet mot lakselus og betre vilkåra for laks og sjøaure.
Bruken av midlane skal ha som målsetjing at Vestland kjem i grøn sone i trafikklyssystemet, og skal gjennomførast i samarbeid med forskingsmiljø og næringa, skriv Vestland fylkeskommune i ei pressemelding.
Løyvinga vart vedteken i hovudutvalet for næring 23. april i år og er no lyst ut. Midlane er delte i to tema med kvart sitt budsjett.
Inntil 2,8 millionar kroner vert lyste ut som støtte til FoU-prosjekt som kan styrke næringa sitt arbeid med å redusere lakselus i oppdrettsanlegg.
Inntil 2 millionar kroner vert lyste ut til FoU-prosjekt som kan avdekkje ulike årsaker til nedgang eller variasjon i lakse- og sjøaurebestandane.
Annonse
Søknadsfrist for begge utlysingane er 1. september 2025.
