Vestavind har tilsett ny redaktør

Frå 1. januar er det Torstein T. Nymoen frå Haugesund som skal vera med og setja dagsorden for sveibuen.

– Styret for Vestavind har tilsett Torstein Nymoen som ny ansvarleg redaktør. Me valde Torstein Nymoen fordi me trur at han kan vidareutvikla Vestavind journalistisk og digitalt. Han er ein erfaren og framoverlent journalist med bakgrunn som næringslivsjournalist i Haugesunds Avis og journalist i lokalavisa Grannar. Me trur Torstein Nymoen sin nysgjerrige, utfordrande og engasjerte journalistiske profil kan gjera Vestavind attraktiv for både noverande og utflytta sveibuar. Me gler oss til Torstein er på plass, seier Bent Rune Sinnes, styreleiar i Vestavind i ei uttale.

Redaksjonen består elles av ein journalist, Kari Nilsdatter Haukås, som har vore i Vestavind i 15 år.