Vart målt til 125 km/t i Bømlafjordtunnelen

Utrykkingspolitiet gjennomførte fartskontroll i Bømlafjordtunnelen onsdag kveld, i tidsrommet klokka 19:50 til 23:45.

Høgaste fart blei målt til 125 km/t i 80-sona. Det blei skrive ut 17 forenkla førelegg, to blei anmeld og fekk førarkortet inndrege.

– Den eine bilføraren hadde for mange prikkar i førarkort frå før. Når det gjeld førar nummer to var det farten åleine som kvalifiserte til at førarkortet rauk, opplyser vaktsjef Jostein Salomonsen ved Haugesund politistasjon.