nyhende
UVÊR: Fleire stengde fjellovergangar. Glatte vegar i Sveio.
Det dårlege vêret over store delar av landet tysdag fører til at ei rekkje fjellovergangar er stengde. På E134 Haukelifjell vart det opna for kolonnekøyring i 9-tida, men her kan det bli stengt på kort varsel melder Vegtrafikksentralen. Også i Sveio går snøbyene tett tysdag.
VESTAVIND/NPK-NTB: Ved 8.45-tida tysdag morgon gjeld dette mellom anna riksveg 7 over Hardangervidda, riksveg 13 Vikafjellet, fylkesveg 50 mellom Hol og Aurland, fylkesveg 53 mellom Tyin og Årdal og fylkesveg 51 over Valdresflye.
Også E134 har vore stengt tysdag. Der vart det opna for kollonnekøyring ved 9-tida, men Vegtrafikksentralen presiserer at vegen kan bli stengt igjen på kort varsel.
E6 over Saltfjellet vart stengd rett etter midnatt natt til tysdag, men vegen kunne opnast for trafikk ved 6-tida. Der ber Vegvesenet likevel bilistar vere obs på reinsdyr i og langs vegen, særleg ved Polarsirkelsenteret.
Lenger nord er mellom anna E69 mellom Skarsvåg og Nordkapp og fylkesveg 98 over Ifjordfjellet stengt på grunn av uvêr.
E6 over Saltfjellet var fram til tidleg tysdag morgon stengt på grunn av uvêr. Riksveg 14 over Vikafjellet blir førebels halde stengt til tysdag kveld. Det er innført kolonnekøyring fleire andre stader.
(©NPK)
Fv51 Valdresflye: Stengt
E134 Haukelifjell: Kolonne
Rv7 Hardangervidda: Stengt
Rv13 Vikafjellet: Stengt
Fv50 Hol – Aurland: Stengt
Fv53 Tyin – Årdal: Stengt
Fv450 Hunnedalen: Stengt
E16 Filefjell: Åpent
Rv52 Hemsedalsfjellet: Åpent
Rv15 Strynefjellet: Åpent— Vegtrafikksentralen øst (@VTSost) December 27, 2022
