nyhende
Utløyste tryggleiksalarm grunna oppførselen sin
Ein person oppførte seg så utagerande i Sveio sentrum at personar i nærleiken vart redde og kontakta politiet.
– Det var ei hending i Sveio sentrum onsdag kveld, seier vaktsjef ved Haugesund politistasjon Gunnar Sande.
Ein person politiet beskriv som «ein god gamal kjenning» var på besøk i Sveio sentrum hos ein annan. Då byrja personen å oppføra seg så utagerande at andre i nærleiken vart redde.
– Ein tryggleiksalarm vart utløyst og politiet kom til staden. Personen vart teken i arrest klokka 23.00 i går, seier Sande.
Vaktsjefen fortel at personen vart meldt, og det vert oppretta sak grunna ordensforstyrring og skremmande oppførsel.
