Uskadd etter uhell sør i Sveio

Klokka 18.34 søndag blei politiet varsla om utforkøyringa som skjedde i sørgåande retning på Fv. 47, like etter steinbrotet ved Kvednaneset sør i Sveio.
– Bilen har gått ut i høgrekurva, og stoppa i nokre små tre 50 meter etter svingen, opplyser vaktsjef Håkon Tornes ved Haugesund politistasjon.

Politiet var på staden og gjorde beslag i førarkortet, tilhøyrande ein mann i 50-åra, busett i Haugesund. Ingen andre køyretøy var involverte. Saka vil bli etterforska.