Tre bilar kolliderte på Rødsneset

Ulykka skjedde truleg då ein bil bremsa opp, og dei to som kom bak ikkje klarte å stoppa. 110-sentralen meldte at bilane kolliderte på E39 ved avkøyringa til Nonslidvegen.

Alle nødetatane rykte ut, og ein person blei sjekka av ambulansepersonell. Trafikken gjekk forbi i eitt køyrefelt.

Siste oppdatering frå Sør-Vest politidistrikt på X er at det er svært glatt på staden. To av bilane må tauast vekk.

Sjåførane vart rutinemessig sjekka for promille, og alle tre blåste 0 i alkometeret.