Traktor køyrde inn i husvogn – førar mistenkt for ruskøyring

Ein mann i 70-åra er mistenkt for køyring i rusa tilstand, etter at ein traktor køyrde inn i ei stasjonær husvogn i ei grend i Sveio.

Vitne ringte politiet

Det var vitne til hendinga som melde frå til politiet ved 17.30-tida torsdag.

— Ein patrulje frå Stord vart sendt til staden. Der trefte dei på ein overstadig rusa mann, som er mistenkt for å ha køyrd traktoren. Blodprøve er sikra, opplyser vaktsjef Dan Magne Gaard ved Haugesund politistasjon.

Privat grunn

Ifølgje Gard skal køyringa berre ha funne stad på privat grunn, og ikkje på offentlig veg.

Det var ikkje folk i husvogna som vart treft av traktoren, og ingen kom til skade i hendinga.