Ei fersk undersøking viser at 430.000 nordmenn over 18 år har vorte utsette for dataangrep dei siste tre åra. Samtidig svarar heile 66 prosent at dei ikkje har bytt passord sidan 2019.FOTO: NPK
To av tre har ikkje bytt passord på tre år
Ei fersk undersøking viser at 430.000 nordmenn over 18 år har vorte utsette for dataangrep dei siste tre åra. Samtidig svarar heile 66 prosent at dei ikkje har bytt passord sidan 2019.
NPK: Dette kjem fram i undersøkinga «Security Barometer», gjennomført av Kantar på vegner av Tietoevry.
– At to av tre ikkje har bytt passord på fleire år er urovekkjande, spesielt når ein halv million nordmenn har vorte utsette for dataangrep sidan 2019. Eg forstår at det kan opplevast irriterande å byte passord i ein hektisk kvardag, men brukt åleine er svake passord eit lite effektivt sikkerheitstiltak for å hindre uvedkommande å få tilgang til løysingar og data dei ikkje skal ha tilgang til, seier Sigrun Hansen Bock, direktør for datasikkerheit i Tietoevry Norge, i ei pressemelding.
Ho peikar på at du bør ha ulike passord for dei ulike plattformene du har konto eller profil på.
– Gjenbruk er bra i mange samanhengar, men ikkje når det gjeld datasikkerheit. Gjenbruk av passord gjer at du er sårbar dersom det kjem på avvegar. Har du fleire ulike passord til dei ulike plattformene og kontoane du er registrert på, er det vanskelegare for kriminelle å bryte seg inn fleire stader dersom dei får tilgang til eitt av passorda, seier Hansen Bock.
Rådet er å bruke sterke passord som er vanskeleg å gjette/knekke, og som inneheld både store og små bokstavar, spesialteikn og tal. Dersom du skriv passorda som frasar eller setningar, er dei enklare å hugse.
I tillegg til å byte og forsterke passord, tilrår Tietoevry å bruke totrinnssbekrefting ved pålogging. Då får du ein kode på e-post eller på telefon som du må bruke for å logge inn, i tillegg til brukarnamn og passord.
NPK: Dette kjem fram i undersøkinga «Security Barometer», gjennomført av Kantar på vegner av Tietoevry.
– At to av tre ikkje har bytt passord på fleire år er urovekkjande, spesielt når ein halv million nordmenn har vorte utsette for dataangrep sidan 2019. Eg forstår at det kan opplevast irriterande å byte passord i ein hektisk kvardag, men brukt åleine er svake passord eit lite effektivt sikkerheitstiltak for å hindre uvedkommande å få tilgang til løysingar og data dei ikkje skal ha tilgang til, seier Sigrun Hansen Bock, direktør for datasikkerheit i Tietoevry Norge, i ei pressemelding.
Ho peikar på at du bør ha ulike passord for dei ulike plattformene du har konto eller profil på.
– Gjenbruk er bra i mange samanhengar, men ikkje når det gjeld datasikkerheit. Gjenbruk av passord gjer at du er sårbar dersom det kjem på avvegar. Har du fleire ulike passord til dei ulike plattformene og kontoane du er registrert på, er det vanskelegare for kriminelle å bryte seg inn fleire stader dersom dei får tilgang til eitt av passorda, seier Hansen Bock.
Rådet er å bruke sterke passord som er vanskeleg å gjette/knekke, og som inneheld både store og små bokstavar, spesialteikn og tal. Dersom du skriv passorda som frasar eller setningar, er dei enklare å hugse.
I tillegg til å byte og forsterke passord, tilrår Tietoevry å bruke totrinnssbekrefting ved pålogging. Då får du ein kode på e-post eller på telefon som du må bruke for å logge inn, i tillegg til brukarnamn og passord.
