– Tittelsnes er den vakraste plassen på jord

– Eg er pensjonist og målar mykje no. Eg har alltid halde på med fargar og drive med måling, men eg bestemte meg i 2020 for å læra meir og meldte meg på kunstskulen til Anette Martens. I juli hadde eg utstilling i Valestrand kyrkje.

– Kva er det beste med å vera sveibu?
– Etter tidlegare å ha budd i Sveio nokre år, må det beste vera staden Tittelsnes som er den vakraste plassen på jord.

– Er det noko du saknar i Sveio?
– Eg saknar butikken i Valevåg.

– Kva er ditt beste Sveio-minne?
– Eit av mine beste minne må være kulturfestivalen på Einstabøvoll Gard.

– Kven i Sveio vil du framsnakka, og kvifor?
– Margit Blytt som er oppdretter av hunderasen collie, og som er ein god venninne.