Tine håpar på vanleg tilgang til mjølkeprodukt i mars

– Det er heilt klart avhengig av tilførselen på mjølk som vi får, men vi håpar på ein situasjon som er nokolunde normalisert i mars, seier Freuchen til NTB.

Det har vekt stor misnøye frå fleire hald, mellom anna frå landbruks- og matminister Geir Pollestad (Sp), at Tine slit med å produsere nok mjølk. Meieriprodukt som yoghurt må speast ut med utanlandsk mjølkepulver, tollsatsen er mellombels senka, og fleire aktørar reagerer på manglande informasjon frå Tine.

Freuchen og styreleiar Marit Haugen møtte Pollestad i departementet tysdag. Konsernsjefen seier dei har ei «felles forståing» av situasjonen og korleis han skal handterast.

– Og dette gjeld berre skummamjølkpulver, alle andre meieriprodukt er å finne i hyllene kvar dag, legg ho til.

Pollestad seier til NTB at han har uttrykt misnøye og dessutan stilt spørsmål om korleis ein kan unngå at dette skjer igjen.

– Eg har vore litt streng. For landbruket og for å ha landbruk i heile Noreg er det veldig viktig at Tine gjer jobben sin på ein god måte, seier han.