nyhende
Tiltalt for drapsforsøk på ektemannen
Strakk han med kniv to gonger i halsen. No må ei kvinne i 30-åra møta i retten tiltalt for drapsforsøk.
I mai 2022 rykka politiet ut til ei alvorleg valdshending i Sveio. Ein mann i 30-åra var stukken i halsen to gonger med kniv. Han overlevde skadar på to samleårer og pulsåra ved hjelp av trykk på skadestaden og operasjon same natta, står det i tiltalen.
På den private adressa pågreip politiet ei kvinne, også ho i 30-åra, og sikta henne for grov kroppsskade. Ho vart kort tid etter formelt sikta for drapsforsøk. Mannen og kvinna er av utanlandsk opphav og var gift med kvarandre.
Kvinna er no tiltalt for drapsforsøk på ektemannen og må møta i Haugaland og Sunnhordland tingrett 10. september.
