Tilflytting tema for bygdemøte

Bua-krinsen håpar på nye tilflyttarar i samband med opninga av den nye fiskerihamna i Langevåg, og vil gjerne ha innspel om korleis bygda kan gjera seg attraktiv for innflytting. Fire innleiarar skal koma med kvar sine innspel til samtale.

Frå Sveio kommune møter ordførar André Mundal Haukås og einingsleiar for samfunnsutvikling Bente Marie Johansen. Den tredje innleiaren er Nina Haara Matre, som er prosjektleiar for Ung i Sunnhordland/Bu i Sunnhordland og dessutan leiar i Sveio Næringsforum.

Den fjerde som skal snakka om tilflytting, hra sjølv flytta frå Bua-krinsen for mange år sidan. Det er tidlegare ordførar i Tysvær, Sigmund Lier. Han er no dagleg leiar i Haugaland Vekst IKS.