nyhende
Sveio tapte knepent mot topplag
Sveio IL sine herrar held fram med å tape poeng i jamne kampar.
FALKEID – SVEIO 3-2 (2-2): Sveio IL jaktar sin første siger i årets 6. divisjon. Torsdag kveld måtte dei på ny sjå både siger og poeng glippe i eit tett oppgjer.
Tett og dramatisk
Denne gongen var det på Tysværvåg gras at heimelaget Falkeid vart for sterke. Det til tross for at Sveio var i leiinga to gonger i første omgang, etter scoringar av Mikal Fransson og Adam Musaev.
Det var tidvis ein dramatisk kamp, ifølgje Tysvær Bygdeblad. Som då Falkeid fekk eit straffespark på stillinga 1-2. Sveio-målvakt Halvor Sausjord Bjelland redda straffa, og ballen vart klarert til hjørnespark for Falkeid. Hjørnesparket vart slått, og heimelaget sin Fredrik Svendsen stanga ballen i mål.
Eit langskot frå om lag 20 meter av heimelaget sin Edvind Ljostveit Reiersen ti minuttar før slutt sikra Falkeid, som er ein av favorittane til å vinne 6. divisjon, sin tredje strake siger.
Nest sist
Sveio står framleis med berre 2 poeng etter sine første fire kampar og ligg nest sist på tabellen i 6. divisjon.
Neste kamp er heime mot Torvastad 2 onsdag 1. juni.
Tabellen, 6. div avd. 4:
