nyhende
Sveio Senterparti kåra til årets lokallag
Sveio Senterparti vart sist helg heidra med blomar, diplom og nemninga årets lokallag 2021 under fylkesårsmøtet for Hordaland Senterparti.
Monica Vandaskog Valen, leiaren i Sveio Senterparti, fortel at ho vart positivt overraska då ho fekk greie på den ærefulle kåringa.
— Det var overraskande og kjennest veldig bra. Me har fått mykje positiv omtale, seier lokallagsleiaren.
Men kvifor var det akkurat Sveio-partiet som stakk av med diplomet? Ifølgje Vandaskog Valen skal lokallaget hennar ha lagt mykje innsats ned i valkampen før fjorårets stortingsval.
Sveio Senterparti har òg vore aktivt under valarrangement i heile distriktiet og sikra seg god oppslutnad under stortingsvalet, ifølgje vurderinga som vart gjeven under fylkesmøtet i Bergen.
