nyhende
Sveio køyrde over «uslåelege» Kopervik
Kopervik-2 hadde vunne kvar einaste kamp i 6. divisjon i år. Heilt til dei møtte formsterke Sveio måndag kveld.
Sveio IL er utvilsamt denne haustens sterkaste lag i den lokale 6. divisjonen. Av dei siste sju seriekampane har raudtrøyane vunne seks.
SVEIO – KOPERVIK-2 3-1:Måte bite i kunstgraset
Og måndag kveld var det ikkje kven som helst som var motstandar heller. Eit Kopervik-2 som før kveldens oppgjer på kunstgraset i Sveio hadde vunne 16 strake kampar i avdelinga, og som heilt sikkert tok mål av seg til å gå gjennom sesongen utan tap.
Men ØyvindKirkeleit (2 mål) og Adam Musaev, og resten av det formsterke heimelaget ville det annleis.
Snudd på hovudet
Med 3-1 siger over seriemeisteren kan alle som følgjer Sveio-laget slå fast at mykje har skjedd sidan 0-12 tapet borte mot Ølen i serieopninga i vår.
Etter kveldens krutsterke resultat krøyp Sveio opp på 4. plass på tabellen for første gong i år. Det blir sannsynlegvis plasseringa til slutt også.
For mest truleg vil nok Sveio avslutte ein sterk haust med siger også borte mot tabelljumbo Vard-3 i neste kamp, som er den siste kampen for sesongen.
Kveldens kampar:
Sveio – Kopervik-2, 3-1
Sauda – Ølen 1-0
Vard-3 – Trott-2 3-1
Tabellen:
