nyhende
Sveibu skiftar leiarjobb i Helse Fonna
Haldis Ø. Lier blei fredag takka av som fagdirektør i Helse Fonna. No trer ho inn i ei anna leiarrolle i helseføretaket.
Det skjedde i styremøtet i Helse Fonna fredag, kor også den nye fagdirektøren, Andreas Andreassen møtte.
Haldis Ø. Lier vart ifølgje ei pressemelding takka for den store innsatsen ho har gjort gjennom mange år for fag, forsking, innovasjon og kvalitet i føretaket.
59-åringen har vore tilsett som fagdirektør i helseføretaket sidan 1. mai 2014.
Lier skal no over i ny stilling som leiar for forsking og innovasjon i Helse Fonna, heiter det i meldinga.
