nyhende
Styrkjer flytilbodet mellom Stord og Oslo
Det blir i vår fleire avgangar å velje mellom, om du likar å reise med fly mellom Stord og Oslo.
Flyselskapet Danish Air Transport (DAT) ser ein auka etterspurnad på ruta, og set difor inn tre fleire rotasjonar på Oslo-Stord frå 24. april, og enda to nye frå 16. mai.
— Vi ser positive teikn på bestillingar denne sommaren, og kan sjå at vi snart er på same passasjertal som sommaren 2019, seier direktør Jesper Rungholm i DAT i ei pressemelding.
51 prosent auke
I mars hadde selskapet 21 prosent fleire tingingar enn normalt, og fauk 51 prosent fleire passasjerar enn i februar.
— Vi får dagleg førespurnader frå kundane våre om auka frekvens på osloruta. Vi er glade for at DAT no set opp kapasiteten på ruta, seier Jan-Morten, lufthamnsjef for Stord Lufthamn.
Fem dagar i veka
Frå 16. mai vil selskapet fly to daglege avgangar til og frå Oslo fem dagar i veka. Då er det berre tysdag og laurdag du ikkje vil kunne fly til og frå hovudstaden over Stord lufthamn.
