Straumprisen set nye rekordar

Gjennomsnittsprisen for døgnet set ny historisk topprekord på 4,39 kroner/kWh. Mot kvelden går prisen heilt opp til 4,71 kroner/kWh, viser tal frå nettsidene til straumbørsen Nord Pool, skriv Europower.

Også i Oslo (NO2) blir det sett rekord tysdag ny årsrekord for prisområdet på Austlandet. Då blir engrosprisen 3,20 kroner/kWh i snitt over døgnet, før nettleige, skattar og straumstøtte. Mot natta koplar Oslo-prisen seg med Kristiansand-prisen og kjem heilt opp i 4,67 kroner/kWh.

I Midt-Noreg blir prisen 2,69 kroner, i Nord-Noreg blir prisen 0,011 kroner og i Vest-Noreg blir prisen 2,75 kroner.

Ein kilowattime svarer til straumbruk på éin kilowatt over éin time. Ein dusj på ti minutt bruker i snitt rundt 4,5 kWh, men det avheng av temperatur og kor mykje vatn dusjhovudet leverer.

Snittprisen i landet vil tysdag liggje på 2,2 kroner per kWh. Det er 0,15 kroner høgare enn på måndag og 1,53 kroner høgare enn same dag i fjor.

I tillegg til spotprisen på straum kjem forbruksavgift (16,69 øre per kWh), avgift til Enova (1 øre per kWh) og eit eventuelt påslag frå straumselskapa.

På toppen av det heile blir det lagd ei meirverdiavgift på 25 prosent, og på sidan kjem nettleige.

I Nordland, Troms og Finnmark er det inga meirverdiavgift på straum, og i Finnmark og Nord-Troms slepper ein også å betale forbruksavgifta.

Den lågaste kWh-prisen tysdag blir mellom klokka 2 og 3 på natta i Nord-Noreg, då på 0,0078 kroner. Prisen per kWh blir på sitt lågaste i Søraust-Noreg 2,65 kroner, Sørvest-Noreg 3,96 kroner, Midt-Noreg 0,021 kroner og Vest-Noreg 2,62 kroner.

Søndag var maks- og minstepris i landet på høvesvis 4,52 og 0,0078 kroner per kWh. Same dag i fjor var han på 0,79 og 0,36 kroner per kWh

(©NPK)