nyhende
Støttar forslag om turveg som skuleveg
Hovudutval oppvekst/kultur støttar rådmannen sitt forslag når det gjeld etablering av turveg som skuleveg.
Det inneber mellom anna at strekningane Lien-Auklandshamn skule og Nygård-Sveio Golfpark skal prioriterast for vidare arbeid. Forslaget går også ut på å setja av 500.000 kroner kvart år frå 2025 til 2028 for vidare planlegging.
Kommunen vil halda fram dialogen med Vestland fylkeskommune med sikte på fylkeskommunal finansiering av strekningene Rophus- Vikse skule og avkøyrslene frå til Solstad og Sveio sentrum.
Kommunestyret får siste ord i denne saka.
