Brukte 550.000 kroner ekstra berre til kost, losji og materiell:
Politiet i Møre og Romsdal stod for sikkerheita i bryllaupet til prinsesse Märtha Louise og Durek Verrett.FOTO: Heiko Junge / NTB / NPK
Politi utanfor Hotel Union dagen før bryllaupet. Der blei bryllaupsfesten halden.FOTO: Heiko Junge / NTB / NPK
Store ekstrakostnader for politiet
Møre og Romsdal politidistrikt brukte ca 500.000 kroner på kost og losji for mannskap som hjelpte til då Märtha Louise og Durek Verrett gifta seg i Geiranger.
I tillegg har dei brukt 50.000 kroner i materiellkostnader for oppdraget, skriv politidistriktet i ei pressemelding.
Vil ikkje spekulera
– Kva vi trur totalkostnadene kjem på, ønskjer vi ikkje å spekulere i, og forheld oss til sluttsummen når han er klar, uttaler stabssjef Hans-Martin Gridseth.
Politidistriktet brukte i stor grad eige personell, og Gridseth seier auka lønnskostnader er den største utgifta for oppdraget.
– Ein føresetnad for å bruke personell frå eige distrikt har sjølvsagt vore å sikre nødvendig beredskap for innbyggjarane i heile politidistriktet før, under og etter arrangementet, seier stabssjefen.
Estimat: 3 mill.
Det lokale politiet ønskte tidleg i planleggingsfasen å få økonomisk hjelp og gav Politidirektoratet eit kostnadsestimat for oppdraget på tre millionar kroner.
– Årsaka var at dette ville vere eit ekstraordinært oppdrag for politidistriktet, men vi har likevel gjennom heile planleggingsfasen vore førebudde på å dekkje kostnadene innanfor våre eigne rammer, seier Gridseth.
Stabssjefen understrekar at det var uvisse om delar av summen på tre millionar kroner.
I tillegg har dei brukt 50.000 kroner i materiellkostnader for oppdraget, skriv politidistriktet i ei pressemelding.
Vil ikkje spekulera
– Kva vi trur totalkostnadene kjem på, ønskjer vi ikkje å spekulere i, og forheld oss til sluttsummen når han er klar, uttaler stabssjef Hans-Martin Gridseth.
Politidistriktet brukte i stor grad eige personell, og Gridseth seier auka lønnskostnader er den største utgifta for oppdraget.
– Ein føresetnad for å bruke personell frå eige distrikt har sjølvsagt vore å sikre nødvendig beredskap for innbyggjarane i heile politidistriktet før, under og etter arrangementet, seier stabssjefen.
Estimat: 3 mill.
Det lokale politiet ønskte tidleg i planleggingsfasen å få økonomisk hjelp og gav Politidirektoratet eit kostnadsestimat for oppdraget på tre millionar kroner.
– Årsaka var at dette ville vere eit ekstraordinært oppdrag for politidistriktet, men vi har likevel gjennom heile planleggingsfasen vore førebudde på å dekkje kostnadene innanfor våre eigne rammer, seier Gridseth.
Stabssjefen understrekar at det var uvisse om delar av summen på tre millionar kroner.
