Stavanger-måling: Høgre klart største parti

Arbeidarpartiet vart Stavangers største parti ved førre kommuneval, med ei oppslutning på 25,4 prosent. I målinga som er gjennomført av Respons Analyse for Aftenbladet , er oppslutninga til partiet 23,3 prosent.

Mest tilbakegang har Folkets parti FNB, som med 9,2 prosent vart dei tredje største partia til kommunen i 2019. Oppslutninga er no 0,6 prosent.

For resten av partia er oppslutninga som følgjer (med 2019-resultat i parentes): Frp 14,0 (8,9), KrF 4,1 (4,4), Sp 1,9 (4,8), Venstre 5,0 (4,7), SV 7,3 (4,8), MDG 4,2 (6,5) og Raudt 7,8 (5,5). Andre parti får 1,7 prosent, mot 2,8 prosent for tre år sidan.

Eit representativt utval på 801 personar er spurde i målinga, der feilmarginen ligg mellom 2,5 og 3,5 prosentpoeng.

I målinga oppgir 42 prosent at dei ønskjer Kari Nessa Nordtun (Ap) som ordførar også etter valet neste år, medan 33 prosent føretrekkjer Høgres Sissel Knutsen Hegdal.

(©NPK)