nyhende
Sommarles for unge i Sveio
No kan alle barn og unge i første til sjuande klasse i Sveio delta på den nasjonale digitale lesekampanjen sommarles.no
Sommarles.no har vore ein suksess gjennom fleire år, og i fjor deltok over 164.000 barn frå heile Noreg. Målet med kampanjen er å motivere barna til å lese så mykje dei berre orkar i løpet av ein lang sommarferie.
— Ta turen innom Sveio folkebibliotek, her finn du masse kjekke bøker og lydbøker, seier bibliotekfullmektig Jorunn Anitha Meidel Ramsdal.
Spesialskrive
Allereie 1. juni braka det laust – og kampanjen varar til 31. august.
I samband med kampanjen har forfattar forfattar Mari Moen Holsve skrive ei spesialforteljing om romanfigurane Asbjørn og Astrid, som har fått tittelen «Eventyr på Rømmen.
— Hugs også at nokon kan lese for deg, det er alltid kjekt å bli lest for. Me har kjøpt inn mange flotte premiar, så no er det berre å lese, kome opp i Level, kom på biblioteket for å hente premie, låne bøker, men hugs også å bade og kjøp deg ein is,.
Premiar
På heimesida til sommarles.no lagar barna ein profil kor dei registrerer alt dei les i kampanjeperioden og får XP (poeng) for kvar side dei les.
— I tillegg til XP, kan barna også gjere seg fortente til digitale trofé og kule premiar som kan hentast på biblioteket, opplyser Ramsdal.
