Solkraft og klima på lunsjmøte

Mellom foredragshaldarane er ein representant for Endra, som kjem med ein statusrapport når det gjeld planlagt solkraftsatsing i kommunen.

Steinar Nesse og dottera Maria Nesse blir også med for å fortelja om deira satsing på ein kombinasjon av solkraft og tradisjonelt husdyrhald på garden deira. Og samfunnsplanleggar Stine Lise Espeland skal orientera om næringslivet sitt arbeid med klimatiltak i Sveio kommune. For å nemna noko.

Fiskeridirektoratet sin rapport med forslag om avgrensingar i turistfisket blir ikkje tema på dette møtet, fortel dagleg leiar Nina Matre.

– Forslaga, som kan få innverknad på verksemda til dei som driv med turisme langs kysten, vil me først ta opp når forslaga blir lagt ut til offentleg høyring, seier Matre.

Ho oppmodar elles alle interesserte til å melda seg på lunsjmøtet innan onsdag.