nyhende
Skrapa fjellveggen i Bømlafjordtunnelen
Torsdag morgon kom eit vogntog borti fjellveggen i Bømlafjordtunnelen.
Klokka 05.19 fekk politiet ei melding om at noko hadde hendt med eit kjøretøy i Bømlafjordtunnelen.
Vaktsjef ved Haugesund politistasjon Håkon Tornes fortel at det var snakk om eit vogntog. Ifølgje meldinga hadde det vore borti fjellveggen inni tunnelen.
— Det viste seg å vera noko med tilhengaren til vogntoget. Det var akslingen som forårsaka uhellet, seier Tornes.
Heldigvis vart det ikkje ei alvorleg hending.
Annonse
— Det var ikkje verre enn at vogntoget kunne køyra vidare og byta aksling. Og det var ikkje noko skade på korkje person eller tunnelen, seier Tornes.
Sjåføren kom køyrande sørover i retning Sveio, og var på veg i frå Mongstad til Tananger.
— Det gjekk i likaste laget, seier Tornes.
