nyhende
Sjå kva som møtte Sveio-pendlarane
Det har regna kraftig på Haugalandet natt til fredag. Det gav utfordringar på hovudferdslesåra mellom Sveio og Haugesund.
Om lag 500 meter sør for kommunegrensa mellom Sveio og Haugesund flauma vatnet over på fylkesveg 47, og entreprenøren Mesta måtte ut og dirigere trafikken manuelt.
Særleg i det høgre køyrefeltet mot Haugesund vart det så djupt at entreprenøren etter beste emne leida trafikken over i venstre fil.
Ingen lange køar
Då Vestavind var på staden like før klokka 8 gjekk trafikkavviklinga likevel greitt, utan at det oppstod særleg lange køar.
Annonse
Avisa får på staden opplyst at staden er eit kjent problem for entreprenøren når det er mykje nedbør, då vegen ligg lågare enn terrenget.
