Kulturminister Anette Trettebergstuen held pressekonferanse om økonomiske tiltak knytt til koronasituasjonen.FOTO: NPK
Set av 600 millionar kroner til idretten og det frivillige
Regjeringa er innstilt på å bruke 600 millionar kroner for å kompensere inntektsbortfall i idretten og det frivillige som følgje av nye koronarestriksjonar.
Måndag presenterte regjeringa nye og tøffe tiltak for å avgrense smittespreiinga og få kontroll på pandemien i tida som kjem. Desse rammar òg idretten.
Som følgje av dette kjem no forbetra støtteordningar på banen frå norske styresmakter.
– For å få kontroll på smittesituasjonen må vi ha endå strengare tiltak. Det rammar kulturen, idretten og det frivillige hardt. Vi har heile tida sagt at vi treng betre ordningar, og no leverer vi: Vi forbetrar kompensasjonsordninga, styrkjer eksisterande verkemiddelapparat og gjeninnfører stimuleringsordninga, seier kultur- og likestillingsminister Anette Trettebergstuen.
Det blir sett av totalt 1,7 milliardar til kulturfeltet. 600 millionar kroner går til ei tilskotsordning for publikumsarrangement av nasjonal verdi i idrettssektoren og mellombels tilskot til frivilligsektoren.
– Vi gjer samtidig nokre endringar, og for idretten og det frivillige vil det ikkje lenger vere nokon forskjell i om arrangementet blir avlyst eller nedskalert. Dekningsgraden vil vere den same, seier kultur- og likestillingsministeren.
Måndag presenterte regjeringa nye og tøffe tiltak for å avgrense smittespreiinga og få kontroll på pandemien i tida som kjem. Desse rammar òg idretten.
Som følgje av dette kjem no forbetra støtteordningar på banen frå norske styresmakter.
– For å få kontroll på smittesituasjonen må vi ha endå strengare tiltak. Det rammar kulturen, idretten og det frivillige hardt. Vi har heile tida sagt at vi treng betre ordningar, og no leverer vi: Vi forbetrar kompensasjonsordninga, styrkjer eksisterande verkemiddelapparat og gjeninnfører stimuleringsordninga, seier kultur- og likestillingsminister Anette Trettebergstuen.
Det blir sett av totalt 1,7 milliardar til kulturfeltet. 600 millionar kroner går til ei tilskotsordning for publikumsarrangement av nasjonal verdi i idrettssektoren og mellombels tilskot til frivilligsektoren.
– Vi gjer samtidig nokre endringar, og for idretten og det frivillige vil det ikkje lenger vere nokon forskjell i om arrangementet blir avlyst eller nedskalert. Dekningsgraden vil vere den same, seier kultur- og likestillingsministeren.
