nyhende
Det første farevarselet for snø denne sesongen gjeld Nordvestlandet der Meteorologisk institutt åtvarar mot snøfall på fjellovergangane over 1000 meter.
FOTO: NPK
Sesongens første snøfall på Vestlandet
NPK: Om du har tenkt deg over fjellovergangar på Vestlandet dei neste dagane, bør du vere førebudd på å møte kvit nedbør.
Meteorologisk institutt har sendt farevarsel på gult nivå for snøfall .
Varselet gjeld natt til laurdag, men også natt til fredag kan morgontrafikken bli overraska av snø, skriv NRK Vestland.
– Faren er størst på Strynefjellet og nordaust til Dovrefjell, seier vakthavande meteorolog Martin Granerød til allmennkringkastaren.
Nedbøren kan kome som snø så fort temperaturen nærmar seg null grader. Det vil det gjere over 1.000 meter.
Dermed kan det bli utfordringar for dei som ferdast på vegen. I alle fall tidleg om morgonen.
– Nedbøren kan kome som snø og snøbyer, men spenninga er om den vil legge seg, seier Granerød og legg til:
– Bakken er varm nok til at snøen smeltar raskt. Det er intensiteten som avgjer om den vil legge seg.
(©NPK)
NPK: Om du har tenkt deg over fjellovergangar på Vestlandet dei neste dagane, bør du vere førebudd på å møte kvit nedbør.
Meteorologisk institutt har sendt farevarsel på gult nivå for snøfall .
Varselet gjeld natt til laurdag, men også natt til fredag kan morgontrafikken bli overraska av snø, skriv NRK Vestland.
– Faren er størst på Strynefjellet og nordaust til Dovrefjell, seier vakthavande meteorolog Martin Granerød til allmennkringkastaren.
Nedbøren kan kome som snø så fort temperaturen nærmar seg null grader. Det vil det gjere over 1.000 meter.
Dermed kan det bli utfordringar for dei som ferdast på vegen. I alle fall tidleg om morgonen.
– Nedbøren kan kome som snø og snøbyer, men spenninga er om den vil legge seg, seier Granerød og legg til:
– Bakken er varm nok til at snøen smeltar raskt. Det er intensiteten som avgjer om den vil legge seg.
(©NPK)
Vestavind er ei uavhengig lokalavis for Sveio kommune i Vestland fylke. Avisa blei stifta i 1986, er på nynorsk og har papirutgåve ein gong i veka. Vestavind arbeider etter Redaktørplakaten og Ver Varsam-plakaten sine retningslinjer for god presseskikk.
Det er ikkje tillatt å kopiera frå denne sida eller legga ut skjermdump av artiklane til Vestavind.
