nyhende
Semitrailer sperra vegen
Tjernagelvegen var stengt ein times tid måndag ettermiddag etter at ein semitrailer fekk problem med bremsene.
– Bremsene på. trekkvogna låste seg og køyretøyet blei ståande på tvers i vegbanen, får Vestavind opplyst ved Haugesund politistasjon.
Ingen andre køyretøy var involverte i uhellet og ingen personar kom til skade. Politiet fekk melding om hendinga ved 17-tida. Ein patrulje rykka ut til staden. Det oppsto køar på begge sider før bilbergar klarte å fjerna semitraileren.
Frå politiet si side blir uhellet sett på som eit hendeleg uhell. Det blir såleis ikkje følgd opp vidare frå deira side.
