Rustar opp nesten 3 kilometer på E39 i Sveio

– Vegen vert utvida i breidda til minimum åtte meter på heile strekninga, og det blir lik vegstandard heile området. Det blir forsterka midt- og kantoppmerking, det vil seia gul midtstripe, og rumlefelt i midten og mot kjørebanekantane, seier prosjektleiar Steffi Bartel i Statens vegvesen i ei pressemelding.

Ny trafikkøy

Ved Austvik/Håvardsholm blir kurvaturen på vegene endra, slik at svingen blir mindre krapp.

I tillegg byggjer Vegvesenet om Håvardsholmkrysset med trafikkøy med eige høgresvingfelt.

Siktforholda og sideterrenget i området skal også betrast, og det skal monterast veglys.

Trafikkdirigering

– Arbeida vil i hovudsak skje på dagtid. I samband med sprenging, breiddeutviding og grøftearbeid vil det bli trafikkdirigering. Trafikantene må i periodar rekna med noko venting, avsluttar Bartel.

Entreprenør på oppdraget er Karmøy-firmaet Vassbakk & Stol AS.