nyhende
Ruskøyrar målt til 97 km/t i 80-sone i Sveio
Ein mann i 20-åra vart natt til måndag stoppa av politiet i Sveio grunna høg fart. Mannen var påverka av alkohol og fekk førarkortet beslaglagt.
Ein mann i 20-åra vart cirka klokka 01.30 natt til måndag stoppa på fylkesveg 47 ved Bjelland i Sveio av ein sivil UP patrulje. Det seier vaktsjef ved Haugesund politistasjon, Andre Skram Hansen.
Ein gjennomsnittsmåling av farta viste at mannen køyrde i 97 km/t i 80-sonen. Mannen vart stansa og deretter teken med til stasjonen i Haugesund for testing.
Der vart det påvist at mannen var påverka av alkohol, og fekk førarkortet beslaglagt.
