Rusa sjåfør i Bømlafjordtunnelen

I Bømlafjordtunnelen oppdaga politiet ein bil som ikkje køyrde heilt riktig torsdag klokka 19.

— Det var vel litt vinglande køyring, seier Nina Fagerland, vaktsjef ved Haugesund politistasjon.

Då fekk dei bilen til å stansa. Der sat ein mann i slutten av 20-åra. Han er ikkje kjend for politiet frå før.

— Der var det mistanke om rus hos førar. Det var tekne nødvendige prøver på staden, og oppretta ei sak, seier Fagerland.

— Vart førarkortet beslaglagt?

— Nei, seier ho.

— Fekk han køyre vidare?

— Nei, det var ein passasjer som tok over og køyrde bilen vidare, svarar Fagerland.