Logg inn

Logg ut

Bli abonnent
Logg inn

nyhende

Blåsemafian saman med Caroline «Hazel» Teigen- norsk delfinale-Grand Prix 2021bildetekst: Blåsemafian består av Stig Espen Hundsnes, trompet, Jørgen Lund Karlsen, saksofon og Sigurd Evensen, trombone. Trioen fann kvarandre i studietida på Norges Musikkhøyskole, der dei delte ein lidenskap for blåserekke. No er dei vidare i MGP-finalen.
– Det var heilt vanvittig gøy å stå på scena, og då det blei klart at det var me som stakk av med gullbilletten til MGP-finalen, var det rett og slett surrealistisk. Eg trur enda ikkje det har gått heilt opp for meg, seier trompetisten Stig Espen Hundsnes frå Sveio. Her på scena med Jørgen Lund Karlsen (saksofon) og Sigurd Evensen (trombone). I si framføring av låten «Let Loose», har Blåsemafian også med vokalisten Caroline «Hazel» Teigen.

– Responsen i etterkant har vore enorm!

Me har fått ein heilt enorm respons i etterkant – både i og utanfor korpsmiljøet – om at dette er noko som både engasjerer, motiverer og inspirerer mange barn, såvel som foreldre rundt om i landet.

Publisert Sist oppdatert

Laurdag for ei veke sidan var det klart for den første av fem delfinalar i Melodi Grand Prix 2021. Til slutt var det klart at det var det klart at det var Blåsemafian ft. Hazel som sikra seg ein plass i MGP-finalen i februar.

– Det er heilt fantastisk, og me er utruleg takksame! Først og fremst vil me retta ei stor takk til alle der heime i Sveio som stemte oss fram. Det har vore heilt rørande! seier Stig Espen Hundsnes i ein kommentar til Vestavind.

Aktiv på Facebook

Blåsemafiaen består i tillegg til han sjølv, av Sigurd Evensen (27) og Jørgen Lund Karlsen (27). I sitt bidrag har dei også med Caroline «Hazel» Teigen.

– Me har jobba veldig målretta i fleire månadar med dette, og under TV-sendinga laurdagskvelden fekk me endeleg visa alt me har jobba med, seier Hundsnes.

Han håpar alle vil halda fram med å følgja dei vidare, og han vil oppfordra til å bli med i Facebook-gruppa deira «Blåsemafian feat. Hazel MGP 2021».

– Der vil me leggja ut mykje gøy i vekene fram mot finalen, seier trompetisten.

– Me vil bruka vårt MGP-bidrag til å fronta våre verdiar, som stammar frå korpsrøyrsla: fellesskap, samhald og meistring, fortel musikarane.

nyhende

Les Vestavind GRATIS fram til vår nye abonnementsløysing er på plass!

Powered by Labrador CMS