Arbeids- og inkluderingsminister Marte Mjøs Persen seier ho forstår at det er mange som synest situasjonen no er vanskeleg fordi økonomien har endra seg for veldig mange menneske.FOTO: NPK
Regjeringa seier nei til auka trygd til dei fattigaste før jul
Arbeidsminister Marte Mjøs Persen erkjenner at det er ei krevjande tid for mange i Noreg no, og at det rammar dei som har minst hardast. Men det er ikkje aktuelt å auke trygda.
NPK-NTB: – Vår viktigaste oppgåve er å sørgje for at folk har jobb og økonomi til å komme seg gjennom krisa, og at forskjellane ikkje aukar. Vi kan ikkje løyse dette berre ved å bruke meir pengar. Det vil vere negativt for folks økonomi, fordi renta vil auke meir enn nødvendig. Vi er nøydde til å ha offensiv omfordeling og målretta tiltak for dei mest utsette i samfunnet. Det gjer regjeringa no, seier Persen til Dagsavisen.
Regjeringa har mellom anna gitt 20 millionar kroner til frivillige organisasjonar for å avhjelpe situasjonen.
– Vi har ein lang tradisjon i Noreg der frivillige organisasjonar gjer ein veldig viktig jobb, seier Persen.
Arbeidsministeren poengterer at dei ulike statlege ytingane blir justerte kvart år i takt med lønns- og prisvekst.
– Det vil også skje til våren. I år justerte vi dei rettleiande satsane for økonomisk sosialhjelp ekstraordinært på grunn av auka levekostnader, og dei er foreslått oppjustert i statsbudsjettet.
På spørsmål om det er aktuelt å heve minstesatsane, svarer statsråden at dei ikkje har foreslått det i statsbudsjettet.
– Men det er ein situasjon som kan endre seg. Og eg kjem med ei stortingsmelding til våren der vi skal følgje opp evalueringa til pensjonsutvalet, og der er mellom anna minstesatsar eit tema, seier Persen.
NPK-NTB: – Vår viktigaste oppgåve er å sørgje for at folk har jobb og økonomi til å komme seg gjennom krisa, og at forskjellane ikkje aukar. Vi kan ikkje løyse dette berre ved å bruke meir pengar. Det vil vere negativt for folks økonomi, fordi renta vil auke meir enn nødvendig. Vi er nøydde til å ha offensiv omfordeling og målretta tiltak for dei mest utsette i samfunnet. Det gjer regjeringa no, seier Persen til Dagsavisen.
Regjeringa har mellom anna gitt 20 millionar kroner til frivillige organisasjonar for å avhjelpe situasjonen.
– Vi har ein lang tradisjon i Noreg der frivillige organisasjonar gjer ein veldig viktig jobb, seier Persen.
Arbeidsministeren poengterer at dei ulike statlege ytingane blir justerte kvart år i takt med lønns- og prisvekst.
– Det vil også skje til våren. I år justerte vi dei rettleiande satsane for økonomisk sosialhjelp ekstraordinært på grunn av auka levekostnader, og dei er foreslått oppjustert i statsbudsjettet.
På spørsmål om det er aktuelt å heve minstesatsane, svarer statsråden at dei ikkje har foreslått det i statsbudsjettet.
– Men det er ein situasjon som kan endre seg. Og eg kjem med ei stortingsmelding til våren der vi skal følgje opp evalueringa til pensjonsutvalet, og der er mellom anna minstesatsar eit tema, seier Persen.
