Agnes Ravatn er på kortlista til gjeve Petrona Award for den engelske utgåva av Dei sju dørene (The Seven Doors). Det vil seia at boktittelen, som er omsett av Rosie Hedger er blant dei seks beste bidraga til prisen.
Petrona Award vert delt ut årleg til den beste skandinaviske krimboka gitt ut i Storbritannia. Ho er nominert saman med m.a. Yrsa Sigurðardóttir, Mikael Niemi og Jørn Lier Horst, opplyser Samlaget i ei pressemelding. Vinnaren vil bli annonsert 4. november.
Agnes Ravatn har gitt ut ei rekkje bøker, både romanar og sakprosa, og fleire er omsette til mange språk. For Dei sju dørene vann Ravatn Bokbloggarprisen, og ho var også nominert til Rivertonprisen.
