Ravatn løfta fram av bokhandlarane – nominert til Bokhandlarprisen

Ravatn er nominert til Bokhandlerprisen 2025 for romanen Doggerland. Boka, som handlar om eit familieeigd forlag på randen av kollaps, er peika ut som ei av årets ti favorittar av bokhandlarar over heile landet.

I finalefeltet

Bokhandlerprisen er bokhandlarane sin eigen pris, og tel som ein av dei mest prestisjefylte utmerkingane ein norsk forfattar kan få. Ravatn har tidlegare vunne både P2-lyttaranes romanpris og fleire nynorskprisar, men dette er første gong på fleire år ho er oppe i finalefeltet til Bokhandlerprisen.

— Dette er ei sterk nominasjonsliste frå ein særs god bokhaust, seier direktør Anne Schiøtz i Bokhandlerforeningen.

Nominerte med stor breidde

Heile ti forfattarar er nominerte, frå debutantar til etablerte namn – og både bokmål og nynorsk er representerte:

• Helga Flatland – Så gjør vi så, Aschehoug
• Erlend Loe – Kukene/Kukane, Cappelen Damm
• Maja Lunde / Lisa Aisato – Tordendronningen, Kagge
• Johan B. Mjønes – Spuria, Aschehoug
• Maria Parr / Åshild Irgens – Oskar og eg: Alle tinga vi har, Samlaget
• Per Petterson – Du er hjemme nå, Oktober
• Agnes Ravatn – Doggerland, Samlaget
• Åsne Seierstad – Ufred, Cappelen Damm
• Simon Stranger – Stranger, Aschehoug
• Nikolai Torgersen – Gater jeg har levd, Aschehoug

Nominasjonen stadfestar Ravatn sin tydelege litterære posisjon – og markerer samtidig eit stort løft for nynorsklitteraturen. Samlaget har to sterke namn på lista: både Agnes Ravatn og Maria Parr er representerte.

Prisutdeling i november

Bokhandlerprisen blir delt ut 11. november på Litteraturhuset i Oslo. Prisen blei første gong delt ut i 1948 og har sidan utvikla seg til ein av dei mest ettertrakta prisane i norsk litteratur.