Råkøyrde gjennom Bømlafjordtunnelen – mista førarkortet

Ein bilist fekk førarkortet sitt inndrege etter å ha køyrd i 124 km/t i 80 sona gjennom Bømlafjordtunnelen om kvelden 16. desember.

– Vedkomande må nok også rekna med ei klekkeleg bot, og ganske sikkert nokre månadar i fengsel, opplyser vaktsjef Gunnar Sande, ved Haugesund politistasjon.

Fartskontrollen blei gjennomført av UP i tidsrommet mellom klokka 21.20-00.30. I løpet av den tre timar lange kontrollen blei det også skrive ut eit forenkla førelegg.