nyhende
Punkterte i tunnelen
Ved 15-tida søndag punkterte ein bilist midt inne i Bømlafjordtunnelen. Til alt hell førte ikkje uhellet til trafikale problem, berre nedsett fart for ein kortare periode.
Vedkomande sjåfør ordna nemleg fort og greit opp sjølv ved å skifta dekk i første og beste serviceluke.
– Då Vegtrafikksentralen såg at bilisten var sjølvhjelpt reduserte dei berre på farten den korte tida hjulskiftet pågjekk. Det oppstod ingen farlege situasjonar, opplyser vaktsjef i Sør-Vest politidistrikt, Dan Magne Gaard til Vestavind.
