nyhende
Pristopp tysdag: Dyraste straum på ni månader
Tysdag ettermiddag kjem straumprisen opp i 2,22 kroner per kilowattime i Sør-Noreg. I to timar får vi då Nord-Europas dyraste straum.
Vi må tilbake til slutten av januar i år for å finne ein så høg straumpris i to samanhengande timar, skriv Europower. I tillegg var det éin time i oktober der prisen gjekk over 2.20 kroner per kilowattime.
Ein høgare døgnpris har det ikkje vore i Sør-Noreg sidan 8. mars, skriv Europower.
Straumprisen er altså spotpris før straumstøtte, nettleige og avgifter. Forbrukarane blir skjerma gjennom den statlege støtta og må betale litt over 85 øre per kilowattime for den dyraste timen, før avgifter og nettleige.
