nyhende
Politiet i sørvest åtvarar mot frekk svindel-metode
Fakturasvindel brer om seg i regionen. No åtvarar Sør-Vest politidistrikt verksemder om å vere obs på slike bedrageri.
— Det er snakk om faktiske fakturaar som skal betalast, men kor betalingsinformasjonen blir endra på ein allereie utskrive faktura, slik at pengane hamnar i feil hender, fortel Sture Smit, leiar ved seksjon for økonomiske kriminalitet i ei pressemelding.
Han presiserer viktigheita av å følgje med på om det kjem endringar på betalingsinformasjonen.
— Må ringe ei bjølle
— Då må det ringe ei bjølle, og ein må verifisere dette med ein telefonsamtale til avsendar, seier han.
Sakene som er meldt til Sør-Vest politidistrikt åleine handlar beløp for totalt cirka 20 millionar kroner.
— Dialogen mellom gjerningspersonar og verksemder har gått føre seg på epost. Dette er vanskelege saker å etterforske, og beløpa kan fort gå tapt om det ikkje blir handla raskt, seier Smith.
Han understrekar viktigheita av å varsle både banken og politiet så kjapt som mogeleg.
— Det er avgjerande, seier han.
Russland og Kina
Nokre overføringar har politiet klart å stanse.
— Men mykje er allereie overført til banker i til dømes Russland og Kina. Då blir jobben mykje vanskelegare, seier Smith.
Politiet er tidleg i etterforskinga, og kan av den grunn ikkje seie så mykje om kvar enkelt sak.
— No håpar eg først og fremst at me kan førebygge liknande saker, ved å fortelje om desse metodane, seier han.
