nyhende
Påtale i Lyngholm-saka nærmar seg
Politiadvokat Svein Håland ved Agder politidistrikt fortel at etterforskinga av drapsforsøket mot ein politimann på Lyngholm-saka på påskeaftan nærmar seg slutten. – Me tek sikte på å vera ferdig i oktober, seier Håland.
På påskeaftan vart politiet kalla ut på eit helseoppdrag på Lyngholm.
Det enda med at ein politimann fekk eit machete-hogg i brystplata han hadde på seg. Sidan fornærma i saken er ein politimann frå Sør-Vest politidistrikt, vart saka overført til Agder politidistrikt.
– Saka nærmar seg ferdig etterforska, seier politiadvokat Svein Håland.
Han har vore ansvarleg for etterforskinga av hendinga. Håland fortel at det berre gjenstår ein ting før dei kan utarbeida ei sikting.
– Me venter på rapport frå rettsoppnemnde sakkundige, seier han.
– Kva skal dei gjera?
– Dei skal føreta ei rettspsykriatisk vurdering av sikta, svarar han.
Agder politidistrikt forventar å få rapporten innan eit par veker. Dei vil deretter senda vidare eit forslag til påtale til Statsadvokaten i Rogaland.
