Bli abonnent
Logg inn

nyhende

– Då pærebrann blei påvist i Tysvær i 2001, hadde Mattilsynet ein strategi om å få bort smitten i Noreg, men det har me gitt opp. No går strategien ut på å halda fruktdistrikt, planteskuledrift og utsalsstader for frukt og Cotoneaster (mispelslekt) fri for sjukdomen, opplyser Nils Melbøe i Mattilsynet.
– Då pærebrann blei påvist i Tysvær i 2001, hadde Mattilsynet ein strategi om å få bort smitten i Noreg, men det har me gitt opp. No går strategien ut på å halda fruktdistrikt, planteskuledrift og utsalsstader for frukt og Cotoneaster (mispelslekt) fri for sjukdomen, opplyser Nils Melbøe i Mattilsynet.

Pærebrann påvist i Førde

Den smittsame plantesjukdomen pærebrann er funnen på mispel i Førde.

Publisert Sist oppdatert
For at pærebrann skal formeira seg må det vera høg temperatur i bløminga. Tilfellet i Sveio er at mispelen har blømt på nytt no på ettersommaren på grunn av det varme veret.

– Folk må ta fram saga og få vekk alt som viser teikn på smitte. No gjeld det først og fremst å hindra at Sunnhordland planteskule får smitte.

Det seier Nils Melbøe, sjølvutnemnd «pærebranngeneral» i Mattilsynet til Vestavind.

Ifølgje Melbøe har Mattilsynet ein ryddeaksjon årleg på Tittelsnes, med ein radius på fire kilometer frå Sunnhordland planteskule. Tidlegare var også Førde med i ryddeprogrammet, men no er gjenveksten overlate til grunneigarane.

Det var på Randaberg i Sør-Rogaland at smitten først blei oppdaga i Noreg, derifrå spreidde den seg vidare til Stavanger, Sola og Sandnes. Ytterpunkta per i dag er Lillesand og Ålesund. I 95 prosent av tilfella er flytting av bikubar årsaka til spreiing av pærebrann over lengre distanse.

Ved mistanke om pærebrann (Erwinia amylovora) er eigar forplikta til omgåande å melda frå til Mattilsynet om kjennskap, eller mistanke om angrep. Angripne planter må fjernast.
nyhende
Powered by Labrador CMS