nyhende
Paddevegen er stengt igjen
Etter den lange perioden med flott og kaldt vintervêr fraus grunnen under Paddevegen. No er det full teleløysing for andre gong i år, og vegen er difor stengt.
– Det er som å køyra på gele, og ikkje forsvarleg å sleppa bilar ut på den, seier John Anders Semb, arbeidsleiar drift og anlegg i Sveio kommune, som stengte vegen laurdag etter ein testtur.
– Kort lenge kan vegen bli stengt?
– I alle fall ei veke, kanskje to. Me begynner å køyra på grus i morgon (tysdag), så får me sjå, seier Semb.
I full sving på andre vegar
Annonse
Han fortel at teleløysinga skaper problem også på dei andre grusvegane i kommunen, og måndag var to lastebilar i full sving med å køyra ut grus.
– Me konsentrer oss først om å vedlikehalda dei vegane der det bur folk. Så kjem Paddevegen til slutt sidan det er gode alternativ å køyra på, seier Semb
