nyhende
Øver på å sløkka lyngbrann
Ingen røyk utan eld, heiter det. Og frå 16.00-tida i dag blir det røyk å sjå i området ved Lyngholm.
Det er Sveio og Førde brannvesen som skal øva på slokking av lyngbrann. 25-26 brannfolk vil vera i sving, og i tillegg kjem det nokre frå Haugesund brannvesen for observera.
– Me startar opp klokka 16.00, og eg reknar med øvinga er ferdig seinast klokka 20.00. Det er ikkje så stort lyngområde som skal brennast, men det vil bli ein del synleg røyk, seier øvingsansvarleg Torbjørn Larsen, som er både brannkonstabel og medlem i Haugaland lyngbrannreserve.
