Over ein million dagsverk gjekk tapt

Koronapandemien og smitteverntiltaka har ført til ein kraftig vekst for diagnosar knytt til luftvegslidingar.

– Sjukefråværet i Vestland har vore relativt stabilt over fleire år, men som venta har koronaepidemien hatt stor effekt. Det har vært ein kraftig auke i tilfelle med luftvegslidingar i 1. kvartal, seier Anne Kverneland Bogsnes ,direktør i NAV Vestland.

9.500 fleire tilfelle

Dei to klart største diagnosekategoriane i fylket er muskel-/skjelettlidingar og psykiske lidingar.

I diagnosekategorien «sjukdom i luftvegane» er det det ein auke på nær 9.500 tilfelle i 1. kvartal. Over ein million dagsverk gjekk tapt i sjukefråvær i Vestland i 1. kvartal.

Det er høgast sjukefråvær i aldersgruppa 60-64 år (7,6 %), og lågast blant dei under 25 år.

Kartet kan du også sjå her: 200610 Kart visualisering sjukefråvær

Få graderte sjukefråvær

Det er høgast sjukefråvær i Eidfjord (8,4 prosent), Vaksdal (7,8 prosent) og i Modalen (7,6 prosent). Sveio ligg på 6,4 prosent, noko som er ein auke på 4 prosent samanlikna med same periode i fjor.

Kommunane med lågast sjukefråvær er Aurland (3,2 prosent), Sogndal (4,5 prosent) og Vik (4,6 prosent).

Det er store skilnadar mellom fylka i delen graderte sjukefråværstilfelle. Berre Rogaland og Oslo har færre graderte tilfelle enn Vestland med 17,4 prosent. Det legemeldte sjukefråværet i Noreg er no 6,1 prosent, det same som i Vestland.